MuakMuak玩嘅時候撞崩咗一隻犬齒，因為崩得好貼近牙肉（尾兩張對比圖），醫生話暴露咗神經線同驚會細菌感染，所以建議剝咗佢。一隻得兩歲半嘅貓仔就要剝牙，貓又冇得種牙，剝咗就真係成世貓都冇咗隻犬齒。一諗到呢度個心痛到形容唔到。
身為一個失敗嘅主人，我連佢幾時崩咗牙都唔知，睇返電話啲相淨係知道係呢4個月發生。返屋企路上好擔心、好自責。係咪我照顧得佢唔好、係咪我縱到佢玩得咁癲、撞到隻牙仔都冇埋，然後就係咁喊唔停⋯⋯
隻傻妹而家好正常，食得玩得瞓得，但一諗到佢可能只係忍緊痛就好自責。我成日話LongLong煩、追住MuakMuak嚟舐，其實會唔會係得LongLong知道MuakMuak痛同唔開心，所以走去安慰佢、舐佢？
愚蠢嘅人類咩嘢都唔知。貓貓從不間斷咁治癒人類嘅心靈，人類就從來冇為佢哋分擔過半點心事。
Search